तु कर ले व्रत पुरणवासी का हे तैनै
मिल जाऐंगे घनश्याम।
जै तु गुरु वचन पै डट जा।
तेरी हे लाख चौरसी कट जा।
तु ओम नाम नै रट ले हे काया
मै मिले आराम।
तु करले व्रत💐💐💐💐💐💐।
पंछी ज्यो ज्यो फर फर डोलै।
सासं सुसर नै हे कड़वा बोलै।
सासु सुसरा की सेवा करिये हे
तैनै मिल जा मुक्ति धाम।
तु करले व्रत💐💐💐💐💐💐।
जिसके घर मै हो रोज लड़ाई।
आवै ना उड़ै कृष्ण कनहाई।
चाहे कितने टाल बजा ले हे ना
बिगड़े बनते काम।
तु करले व्रत💐💐💐💐💐💐।
करिये दीन दुखी की हे सेवा।
पार उतर जा तेरी हे खेवा।
कर दान पुण्य तु डट के हे तैनै
मिल जाएगा भगवान।
तु करले व्रत💐💐💐💐💐💐।
तेर बालक मिल करै कविताई।
यानी सी उम्र मै हे कलम उठाई।
घनश्याम कहवे बेटा चल रै धर्म पै
हो जाएगा तैनै ज्ञान।
तु करले व्रत💐💐💐💐💐💐।
0 Comments