हे लुगाइयों सारी आइयो जमना जी कै घाट
मोहन आ रहा सै।
जमना जी के घाट पै गुजरिया का लारा सै।
मटकी तोड़ी दही बखेरी कर गया छिटम छीट
के शोर मचा रहा सै।
हे लुगाइयों सारी💐💐💐💐💐💐💐।
जमना जी के घाट पै नन्द कि गऊ चरा रहा सै।
कांधे ऊपर काली कमलिया हाथ मै ले रहा
बीन के लहरा ला रहा सै।
हे लुगाइयों सारी💐💐💐💐💐💐💐।
जमना जी के घाट पै चौपड़ साज बिछा रहा सै।
राधा भी खेलै रुकमण भी खेलै पासे फैकै
आप के बाजी ला रहा सै।
हे लुगाइयों सारी💐💐💐💐💐💐💐।
जमना जी के घाट पै बड़ पै झुल घाल रहा सै
राधा भी झुलै रुकमण भी झुलै झोटे देवै
आप के शिखर चढा रहा सै
हे लुगाइयों सारी💐💐💐💐💐💐💐।
जमना जी के घाट पै कृष्ण रास रचा रहा सै।
राधा भी नाचै रुकमण भी नाचै नाचै भोलेनाथ
आनंद आ रहा सै।
हे लुगाइयों सारी💐💐💐💐💐💐💐।
गोकलगढ़ कि गलिया मै होली खेलनै आ रहा सै।
भर भर के यो मारै पिचकारी कर गया
लाल गुलाल उधम मचा रहा सै
हे लुगाइयों सारी💐💐💐💐💐💐💐।
0 Comments