मेरा दादा पितर आया री माता घालो ना खाट।
जल्दी करके खाट बिछा दे।
एक लोटा पानी का लया दे।
मै हुक्का भरके लाया री माता घालो ना खाट।
मेरा दादा पितर💐💐💐💐💐💐💐💐।
पल्ला करके बैठ जा जड़ मै।
वो मारै तेरै थापी कड़ मै।
तेरी हो जा निर्मल काया री माता घालो ना खाट।
मेरा दादा पितर💐💐💐💐💐💐💐💐।
कोई कमी ना घर मै आवै।
दादा पित्र खुश हो जावै।
म्हारे कुल का दीप जलाया री माता घालो ना खाट।
मेरा दादा पितर💐💐💐💐💐💐💐💐।
तरकारी और खीर बना दे।
दादा पित्र नै तु री जिमा दे।
एक साल मै यो दिन आया री माता घालो ना खाट।
मेरा दादा पितर💐💐💐💐💐💐💐💐।
पांचों कपड़ें दादा के लयाइये।
अपने हाथ तै तु जुती पहराइये।
दादा बैठ पाटड़े नाहवै री माता घालो ना खाट।
मेरा दादा पितर💐💐💐💐💐💐💐💐।
सारा कुनबा सुख पावैगा।
जै दादा के गुण गावैगा।
थारा कर दे भाग सवाया री माता घालो ना खाट।
मेरा दादा पितर💐💐💐💐💐💐💐💐।
0 Comments