ओम नाम का लोटा भोले नै घुमा दिया सोटा।
जब भोले नै भंगिया बोई।
कील्ला पड़ गया छोटा भोले नै
लगा लिया घोटा।
ओम नाम का लोटा💐💐💐💐।
जब भोले नै भंगिया सीची।
पानी का पड़ गया टोटा भोले नै
लगा लिया घोटा।
ओम नाम का लोटा💐💐💐💐।
जब भोले नै भंगिया नलाई।
कसिया पड़ गया छोटा भोले नै
लगा लिया घोटा।
ओम नाम का लोटा💐💐💐💐।
जब भोले नै भंगिया काटी।
बांधा जबर भरोटा भोले नै
लगा लिया घोटा।
ओम नाम का लोटा💐💐💐💐।
जब भोले नै भंगिया पीसी।
भर भर पी गया लोटा भोले नै
लगा लिया घोटा।
ओम नाम का लोटा💐💐💐💐।
जब भोले कै भंगिया चढ गई।
मारै लोट पलोटा भोले नै
लगा लिया घोटा।
ओम नाम का लोटा💐💐💐💐।
जब भोले कि अखियां खुल गई।
खुला पड़ा लंगोटा भोले नै
लगा लिया घोटा।
ओम नाम का लोटा💐💐💐💐।
0 Comments