बीर भातज नोतन मै गई ।
अपना राजा जी नै ले गई
साथ रजना राजा किरोड़ी मेरा भातैइया।
भाई गाया का रै ग्वालिया।
मेरा पीहर की राह बताए रजना राजा
किरोड़ी मेरा भातैइया।
कोई वे बड़ पीपल धुंधला।
ऊका तला कै राही जाए रजना राजा
किरोड़ी मेरा भातैइया।
कोए कुएँ की पनिहारेड़ी ।
मेरा बीरा की पोल बताए रजना राज
किरोड़ी मेरा भातैइया।
कोई ऊची मैड़ी रावटी।
कोए चंदन जड़ा किवाड़ रजना राजा
किरोड़ी मेरा भातैइया।
भावज नै दिखी आवती।
कोए जड़ लिया अजड़ किवाड़ रजना राजा
किरोड़ी मेरा भातैइया।
भाभी म्हारो तो मन न्यु हे करै।
कोए मिल लया बाहें पसार रजना राजा
किरोड़ी मेरा भातैइया।
बाई जी ना फरकै बाहेंड़ी।
कोए ना मिलने को चाव रजना राजा
किरोड़ी मेरा भातैइया।
भाभी म्हारो तो मन न्यु हे करै।
कोए बैठा पीढो घाल रजना राजा
किरोड़ी मेरा भातैइया।
बाई जी ना म्हारे लकड़ी डिंगरी।
कोए खाती गयो सुसराड़ रजना राजा
किरोड़ी मेरा भातैइया।
भाभी म्हारो तो मन न्यु हे करै।
कोए जीमा झीनवर भात रजना राजा
किरोड़ी मेरा भातैइया।
बाई जी ना हमनै बोया धोलिया।
कोए घी को महंगो भाव रजना राजा
किरोड़ी मेरा भातैइया।
हे ओछा घरा की ओछनी।
मेरो कनवो सो बीर बताए रजना राजा
किरोड़ी मेरा भातैइया।
बाई जी थारो बीरो ऊचपलो।
कोए नित उठ गोकुल जाए रजना राजा
किरोड़ी मेरा भातैइया।
मैनै बीरो दिखो आवतो।
मेरा डब डब भर आया नैन रजना राजा
किरोड़ी मेरा भातैइया।
जीजी कैनै तैनै बोलया बोलना।
कोए बुझी ना मन की बात रजना राजा
किरोड़ी मेरा भातैइया।
जीजी हम थमनै घाला बैठनो।
कोए बैठो पावं पसार रजना राजा
किरोड़ी मेरा भातैइया।
जीजी हम थमनै रांधा धोलिया।
कोए जीमो झीनवर भात रजना राजा
किरोड़ी मेरा भातैइया।
जीजी कब को सै थारै मांढैया।
कोए कब को सै थारै ब्याह रजना राजा
किरोड़ी मेरा भातैइया।
बीरा 26को सै म्हारै मांढैया।
कोए 27को सै म्हारै ब्याह रजना राजा
किरोड़ी मेरा भातैइया।
0 Comments