गऊ माता चर के आई।
मैंने भाज जेवड़ा घालया हे भगवान
राम तेरी माया।
मैंने खल तै शानी भेई।
मैंने पाइया चून मिलाया हे भगवान
राम तेरी माया।
मैंने भाज के नयाना बांधा।
मैंने गद गद दूधु काढया हे भगवान
राम तेरी माया।
मैंने हारी रै चुल्हा लीपे।
मैंने घुटमा खीर बनाई हे भगवान
राम तेरी माया।
मैंने सारा कुनबा जिमाया।
मैंने अपनी सास ना बुझी हे भगवान
राम तेरी माया।
मेरा सारा कुनबा जिमया।
मेरी सासु झुक झुक देखै हे भगवान
राम तेरी माया।
बाहरने तै बाबा आया।
बेटी तेरा भोग ना लागया हे भगवान
राम तेरी माया।
तैनै सारा कुनबा जिमाया।
तैनै तेरी सास ना बुझी हे भगवान
राम तेरी माया।
बाबा कुछ तो जतन बता दे।
इस नरक तै मैंने बचा दे हे भगवान
राम तेरी माया।
मैंने इबके खीर बना दु।
सासु नै नोत जीमाऊ हे भगवान
राम तेरी माया।
बेटी कीड़ा की कुंड मै जागी।
यो गया बखत ना आवै हे भगवान
राम तेरी माया।
कोई सुनती गिनती हो तो।
सासु नै राम समझियो हे भगवान
राम तेरी माया।
0 Comments