चलता फिरता आया मोडिया आन डटा मेरे बारनै
रंग महल मै रहने वाली रट ले ना तु राम नै।
दो दो तो मेरे बेटे कहिये दोनों जा रहे फौज मै
चालया जा बदमाश मोडिये मै के जानु राम नै।
दो दो तो मेरे बहुड़ कहिये पोते खेलै गाल मै
चालया जा बदमाश मोडिये मै के जानु राम नै।
दो दो तो मेरे झोटी कहिये दूध बिलोऊ साल मै
चालया जा बदमाश मोडिये मै के जानु राम नै।
दो दो तो मेरे नारे कहिये गोड़ी खड़ी सै ठान मै
चालया जा बदमाश मोडिये मै के जानु राम नै।
आया बुढापा बैठी खाट मै घली खटोली गाल मै
कड़ै गया गाला का मोडिया इब रटुंगी राम नै।
चलता फिरता आया मोडिया अलख जगाया मेरे
बारनै रंग महल मै रहने वाली क्यु बैठी सै गाल मै।
के बोलै थी मोडिया मोडिया कृष्ण मेरा नाम सै
दुनिया कि मै रखता रुखाली योहे मेरा काम सै।
0 Comments