हे हे मीरा तेरी हो गई उम्र जवान छोड दे इस इकतारे नै।
हे मैनै या चिंता गहरी सै।
हे तेरा झाड़ झाड़ बैरी सै।
हे हे मीरा म्हारी हो गई बंद जुबान के कहवांगा भाईचारे मै।
हे हे मीरा💐💐💐💐💐💐💐💐💐💐।
हे तु कृष्ण के गुण गावै।
हे ना टेम पै टुकड़ा खावै।
हे हे मीरा तेरे कित छुपगे भगवान खबर ना नन्द के दुलारे नै।
हे हे मीरा💐💐💐💐💐💐💐💐💐💐।
हे तु भरके चाव उंमग मै।
हे शादी कर राणा के संग मै।
हे हे मीरा कर लेन दे कन्यादान सजन दे आंगन म्हारे नै।
हे हे मीरा💐💐💐💐💐💐💐💐💐।
हे तु देख वेद नै पढ के।
हे ना धर्म गृहस्थ तै बढके।
हे हे मीरा तेरा धर्मचंद गुणगान खोल रहे ज्ञान पिटारे नै।
हे हे मीरा💐💐💐💐💐💐💐💐💐💐।
0 Comments