छोड दे हो भोले बाबा छोड दे इस भांग के नशे नै छोड दे।
पहर ओढ के गई थी मै लक्ष्मी धोरै फेटन नै।
शेषनाग पे विष्णु बैठे लक्ष्मी पैर दबावे हे।
बोली हे लक्ष्मी हसं के मेरे ताना मारा कैस के।
छोड दे…।
आजा बेबे पार्वती तैनै पीढे पै बैठाउंगी।
तेरे घर मे खाट कोन्या बैड पे सूलाउंगी।
बोली हे लक्ष्मी हसं के
मेरे ताना मारा कैस के।
छोड दे…।
आजा बेबे पार्वती तैनै अपना महल दिखाउंगी।
तेरे धोरै महल कोन्या सारा आज दिखाउंगी।
देख ले ऊपर चढ़ के मेरे ताना मारा कैस के।
छोड दे…।
आजा बेबे पार्वती तैनै अपनी टुम पहराउंगी।
तेरे धोर टुम कोन्या सारी आज पहराउंगी।
देख ले ओ सज और धज के देख ले मेरे ताना मारा कैस के।
छोड दे…।
आजा बेबे पार्वती तैनै अपना धन दिखाउंगी।
तेरै धोरै पाई कोन्या सारा आज दिखाउंगी।
ले जा झोली भर के मेरे ताना मारा कैस के।
छोड दे…।
0 Comments