एक बुढ़िया कै तीन पुत्र

एक बुढिया कै तीन पुत्र था तो तीनों न्यारा – न्यारा हो राम। बडला बेटा नै चुल्हा र चाकी तो बिचला नै तव्वा पराती हो राम । छोटो बेटो सब तै खोटो तो ले लियो थाली कचौलो हो राम । 

बुढो र बुढी न्यु बतलारा  तो म्हारे कौन हवाले हो राम। 

तु तो रै बुढा पत्थर चुग ला तो मै सीलू एक थैली हो राम ।

 सीलत -सीलत आई हे पड़ोसिन तो गोडा तले दबकाई हो राम । वा रै पड़ोसिन हसना रै दुती तो बहू बेटा नै सिखाया हो राम । थारी माँ धोर धन भतेरा तो गोडा तले दबकाया हो राम।

बडलो बेटो सिर भीचै सै तो बिचलो पैर दबावै हो राम ।

छोटो बेटो सब तै खोटो तो चरणा मै शीश नवावे हो राम।

बडलो बेटो हलवो लायो तो बिचलो चुरमो लायो हो राम।

छोटो बेटो सब तै खोटो तो सरस जलेबी लायो हो राम।

इतना मै वो बुढो मरगयो तो अरथी बहोत सजाई हो राम ।

फुक फाक कै घरनै आया तो इतनै बुढी मरगी हो राम।

लापो लावै तो घर कैनी देखै घरनै कब सी जावा हो राम।

छोटो बेटो सब तै खोटो तो सब तै आगै आयो हो राम। 

खोद – खोद कै धरती बगा दी कै धन कीतै ना पायो हो राम।

मैया र बाबा तो बडा छलियारा तो छल कै सेवा कराई हो राम।