सुमन बेटी घनी लाडली हे-हे वा पहलवान कै ब्याही।
सुसर मेरा तो न्यु कहरा सै।रै-रै म्हारै बिना भाईया की आई।
जेठ मेरा तो न्यु कहरा सै।रै-रै बिना साला कीसी असनाई।
पहलवान तो न्यु कहरा सै।रै-रै म्हारी टुट लई असनाई।
सिर पे घड़ियों कांधे कसियो।हे-हे मै ईख नलावनै चाली।
म्हारा हे गाँव को तांगों आयो।हे-हे मै उसमै बैठ के आई।
पोला मै हे मेरो बाबल बैठो।हे-हे मै घाल बाथ अरड़ाई।
भीतर तै हे माता आई ।हे-हे मेरी सुमन कैनै धमकाई।
डैर डंकनी खप्पर भरनी।हे-हे तैनै एक ही सुमन जाई।
जब ईश्वर कि निगाह हुई सै।हे-हे मेरे नौवें महिने भाई।
सुसर मेरा ने बेरो लागो।हे-हे वो हसली कड़ुला लायो।
जेठ मेरा ने बेरो लागो। हे-हे उसने दो मण बाटी सै मिठाई।
पहलवान ने बेरो लागो।हे-हे उसने हेली कै जहाज अड़ाई।
सुमन कि हे माता तैयारी कर दो। हे-हे हम सुमन लेन नै आया।
सुमन तो रै बेटा नहीं चलेगी। रै-रै म्हारी टुट लई असनाई।
0 Comments