मिसरानी न्यु कहन लाग रही कृष्ण धोरै जाइये

मिसरानी न्यु कहन लाग रही कृष्ण धोरै जाइये 

हो तीन रोज के बालक भूखे दरब मांग के लाइये हो-

दरब मांग के लाइये हो।

कृष्ण के तो यार घने सै किस किस नै धन बाटैगा

तेरा तो बचपन का यार सै तैनै के वो नाटैगा तैनै

के वो नाटैगा।

इतनी कै सुन के चला सुदामा ठा लई हाथ लठोली

रै सहज सहज पग धरै सुदामा गया कृष्ण की पोली

रै गया कृष्ण की पोली रै।

कृष्ण जी नै दिखा सुदामा भाग के भर लई कोली रै

खूब मिले रै भाई खूब मिले इब छोड नाड़ की झोली रै

छोड नाड़ की झोली रै।

ताते पानी की भरी बाल्टी यार सुदामा नहाले रै

तपी रसोई ठंडी हो सै यार सुदामा खाले रै

यार सुदामा खाले रै।

जीम झूठ के बैठा सुदामा के बांधा रै मेरी भाभी नै

दो मुठ्ठी चावल की बांधी यो बांधा तेरी भाभी नै

यो बांधा तेरी भाभी नै।

खोल पोटली देखन लागा भर भर बुकटे फाकै सै

ऊपर तै वा रुकमण बोली  सारा ऐ धन नै बाटैगा

सारा ऐ धन नै बाटैगा।

कोए टोटे मै कोए मोटे मै बिरला हे दिल डाटैगा

भीड़ पड़ी मै आया सुदाम तु रानी रै क्यु नाटै सै

तु रानी रै क्यु नाटै सै।

इतनी कै सुनके चला सुदामा ठा लई हाथ लठोली

रै सहज सहज पग धरै सुदामा हुआ नगर की राही रै

हुआ नगर की राही रै।

बैठ सुदामा रोवन लागा झुपड़ी  भी ना पाई रै

कड़ै गए मेरे बालक बच्चे कड़ै गई मिसरानी रै

कड़ै गई मिसरानी रै

ऊपर तै वा बिरमा बोली या रही तेरी रानी रै

खेल रहे तेरे बालक बच्चे या बैठी मिसरानी रै

या बैठी मिसरानी रै।

तेरे पाछे तै कृष्ण आया कर गया मौज भतेरी रै

झोपड़ी तो उसने तोड़ बगाई चिन गया महल अटारी रै

चिन गया महल अटारी रै।

कोठी र कुठले भरे नाज के ठाडी भरी बुखारी रै

रुंढी तो तेरै भैस बांदगा दो बैलैदा की जोड़ी रै

दो बैलैदा की जोड़ी रै।