खेलनै गया था हे कन्हैया मेरा खेलनै गया था हे।
हे कृष्ण कै लड़ गया नाग कन्हैया मेरा खेलनै गया था हे।
भाजी आई हे साहेबा भाजी आई हे।
हो कृष्ण की बचाले जान सपेरे तैनै राजी कर दु हो।
सासु लेले हो सपेरा मेरी सासु लेले हो।
हो कृष्ण की बचाले जान सपेरा मेरी सासु ले ले हो।
सासु ना लु हे राधा हे तेरी सासु ना लु हे।
हे मेरी लगै धर्म की माय राधा हे तेरी सासु ना लु हे।
ओ ननदी नै लेजा हो सपेरे मेरी ननदी नै लेजा हो।
हो कृष्ण की बचाले जान सपेरा मेरी ननदी नै लेजा हो।
ननदी ना लु हे राधा हे तेरी ननदी ना लु हे।
हे मेरी लगै धर्म बाहन राधा हे तेरी ननदी ना लु हे।
हो मैनै लेजा हो सपेरा मैनै लेजा हो।
हो कृष्ण की बचाले जान सपेरा मैनै लेजा हो।
जोड़ी बन गई हे साहिबा जोड़ी बन गई हे।
हे कृष्ण की बचादु जान राधा हे म्हारी जोड़ी बन गई हे।
हो ठोसा लेले हो सपेरा मेरा ठोसा लेजा हो।
हो कृष्ण की बचा लई जान सपेरा मेरा ठोसा लेजा हो।
बडी छलियारी हे राधिका बडी छलियारी हे।
हे धोखे तै काढ लिया काम राधा हे तु तो बडी छलियारी हे
0 Comments