बता मेरे यार सुदामा रे भाई घणे दिना में आया।

बता मेरे यार सुदामा रे भाई घणे दिना में आया। बालक था रे जब आया करता।
रोज खेल के जाया करता।
के हुई तकरार सुदामा रे भाई घणे दिना में आया।
बता मेरे यार 💐💐💐💐💐💐💐।

मैनै सुना दे कुटुंब कहानी।
क्यों कर पड़ गई ठोकर खाणी।
के टोटे की मार सुदामा रे भाई घणे दिना मेंआया।
बता मेरे यार 💐💐💐💐💐💐💐💐।

सब बच्चो का हाल सुना दे।
मिसरानी की बात बता दे।
क्यु भुलया प्यार सुदामा रे भाई घणे दिना में आया।
बता मेरे यार 💐💐💐💐💐💐।

चहिये था रे तैनै पहलेम आना।
इतना दुःख नही पड़ता उठाना
तु गया हार सुदामा रै भाई घणे दिना में आया।
बता मेरे यार💐💐💐💐💐💐💐।

इब भी आ गया ठीक बखत पे।
आजा बेठ जा मेरे तखत पे।
ओ जिगरी यार सुदामा रे भाई घणे दिना में आया।
बता मेरे यार 💐💐💐💐💐💐💐।

आजा भगत छाती के लगालु।
इब बता तने कड़े बिठालु।
करूँ साहूकार सुदामा रे भाई घणे दिना में आया।
बता मेरे यार 💐💐💐💐💐💐💐।